[فاطمة ناصر]

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حضرة جناب القلب مغرم صبابه=مبطي وهو بالزين ميت ومسلوب
ما احد مع الأيام قد طق بابه=الا جنابٍ يسلب عقول وقلوب
من شعر راسه لين موطى ترابه=في ناظري باشه وسيد ورعبوب
ياعاذلي لو صحت مالك إجابه=والله يعين اللي من الوجد مرعوب
مل الضمير اللي توذى غيابه =حتى القلم ملّ الورق واشتكى الثوب
الحزن ركّز فالمعاليق نابه = وأصبر وأقول الحزن للقلب مكتوب
بين الرجا والياس كلش تشابه = صار الفرح في صوب وانا بعد صوب
لا واعذاب القلب لا واعذابه = من غارة الأيام ضامي ومنهوب
يا تاج راسي كل أبونا قرابه = في خاطري حبٍ معزز ومحسوب
عقبك غدى قلبي فتات وخرابه = يا دوب نبضه يرفع الحس يا دوب
وصلك يرش الروح مثل السحابه = وأن شح وصلك ما بقى شي مرغوب

[/poem]