لكم التحية والود ..
وحيده ما معي إلا سواليف العنا والليل
أبعثر سلة الذكرى على حبل الأمل فيهم
هنا كانت سوالفهم تنور عتمة القنديل
هنا كانت سباحين الزمن تحكي منافيهم
أحبهم مو عشان انهم يشوفون المدح تطبيل
لأنهم من زلال الما سقوا بذرة أمانيهم
فعايلهم لهم تشهد وصوت المحمسه ، والهيل
وباب الجود أز إزته من الفرحه يناديهم
طهر مثل المطر لا جا على كل البيوت يسيل
ولا يحمل حقد شارع ولا يغرق مجانيهم
طفولتهم على المله مابين اللعب والتهليل
مابين البيت والمسجد تدور أسما مساعيهم
قصايدهم بها لذه مهي من شعبة ( التقبيل )
بها حكمه بها قصه بها أحلا معانيهم
تعلمنا من الماضي حياة الجود والتأصيل
وكيف العز والمبدأ يجي مع ذكر أساميهم
وجا هذا الزمان اللي به الذله به التنكيل
به أشباه الرجال اللي يساق المال في ديهم
زمانن دنس الأمه ، وأشياءه تهد الحيل
وحتى الصمت يا ماضي تشوفه قد رسا فيهم
نعم أرحل عن الواقع إذا صار الزمان بخيل
وحيده أنفث الذكرى على أطلال تنعيهم
=]
طبتم وطاب جُناكم
أروى