[نوف البدر]

السلام عليكم ورحمة الله وبركاته
أسعد الله مسآكم بكل خير , أتشرف بانضمامي لهذه الكوكبه الرائعه من الشعراء
والشاعرات , واشكر الاداره لجهودها الكريمه ..

مصافحه اولى أتمنى لها القبول ..

[poem=font="simplified arabic,4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا هاجسي لاتنبش الجرح وتشيش = خلّك على ماخلّف الوقت راضي

حتيّش لو صغت التعابير حتّيش = يبدي خفوقي عن هواك اعتراضي

يومك عملت بداخل القلب تفتيش = جسّيت نبضه لين راح امْتغاضي

الشعر خليته ولا تنشد لويش؟ = قلبي من صدوف المقادير قاضي

ولّى زمان الكيف والعز والطيش = وجاني زمانٍ كل ما فيه ماضي

آموت في ذكراك يا قلب وآعيش = لا من طريت وطاري الشعر هاضي !

لا مانسيت الملح والخبز والعيش = ياما تقاسمنا سنين المقاضي

وش له تدز امْع الدموع المطاريش = دمعك يتل القلب والقلب فاضي !

يكفيك يا جرح المقادير تنبيش = كل ما طريتك بارق الشوق ناضي !
[/poem]


تقديري !