[صالح العرجان]

. الليل له ربكة معاني تناديه
من عنفوانه كل نجمه تضمه .

. وانا عشقت الليل من عشق مغليه
مثلي تمر الليل واتلد يمه .

. الليل فيه من الخفا سر نخفيه
ومن الورود الياسمين ونشمه .

. لو نعشقه مانعشقه في مباديه
نعشق دجاه من الشتات ونلمه .

. فيه الكلام ان قل تصعب مغازيه
وفيه الغلا كفٍ لبد تحت كمه .

. ساعة لقا منهو توده وتغليه
في ليلةٍ زاهي قمرها ملمه .

. كل القلوب ترق شعر وتغنيه
وكل القصايد تعتنقها الاعمه .

. حتى الغلا لو شفت نفسك تجي فيه
من كثر عشق الليل اناديه يمه .