مساء الخيـر ..
إليكم نبضي ،
تـــــعــــبت اتلــفّت والـــنوايا بـدت ترتـاب
وحـــــــيد(ن) ولا ادري وش نهاية بداياتي
اراجع زمان(ن) فات من قسوته منـــصاب
واشوف الامل ضايــــع وضيّــعت غايــاتي
الا ياكثر ماني بالاصـــحــاب ظني خـــاب
ولـكن على الله يبتـــــــسم وقتــــي الآتــي
انا ماكتبت الشــعر ادوّر وراه اعـــــــجاب
انا احساسي المجــروح يكتـب مــعانــــاتي
وانا مابلايه غيـــــر واحـــد ليــا مـــن غاب
يبين الوله والشـــــــــــوق صــوبه بنظراتي
من البارحه رسايلــــــــــه كلــبوها عـــتاب
يشرّه وانا جفني مـــــــــن الــــشوق ماباتي
احبه وقلبي في هوى الترف مبــــطـي ذاب
ليا غاب لو لحظه من غـــــــيابه احـــــاتـي
ولامن تبسّم زال همي وجرحي طـــــــاب
يسوق الفرح في طلة(ن) تكسر سكـــاتي
يزين الشعر في حضرته والغلا يــــنساب
بقلبي ولجله يوم انا اتعبت خــــــــطـــواتي
يتلّ الوله روحي وانا ماحــســـبت حساب
لحكي العــــواذل دام خلي بهـــــــقــواتي