[حلم الطفوله]

( 1 )
بسافر ..
وكلّي في غربه
لأن روحي بقت عنده
رفضت قربي على قربه
وتبي إلـ عنده تغادر !
وأنا أنده :
[ أنا ويني ] ؟
أنا ماعرف في الدنيا
سوى دربه !

( 2 )
وبسافر ..
وبنتظر بكرى
عسى الذكرى
تفارقني
أنا ماعدت للذكرى
أنا أتحمل !
تجي يمي
وتعورني
تحاصرني
وتحوطني وأصيح بـ ( آه )
و... أتألم !

( 3 )
وبسافر ..
بنتظر باكر
عسى باكر
يعوضني
ويصير وافي
ويقول للهم :
( بس كافي )
بس كافي تجي للحلم
وتذوقها دموع الهم !
خلاص أنته ياهمها
روح عنها
وسافر !