[عبده خلاف]

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

في باب غرفتها وقفت وخذاني=((الشوق)) لوقات(ن) قضتها معايا

عم (الحزن) روحي وزلزل كياني=وحسيت مثل النار داخل حشايا

القلب مركب والمصايب مواني=والفقد (طلقه) والمشاعر ضحايا

معقول ما يحدث معي يا زماني=غير الألم ما عاد عندك عطايا

كنا هنا اضحك وتضحك عشاني=وتقص لي اجمل واروع حكايا

وكانت من الشرفه تطل وتراني=ولامن رأتني (تختبي) بالزوايا

وكانت بداخلها تعيش (الأماني)=وتضم اطهر (قلب) بين الحنايا

وكانت تقول ارجوك لا تحب ثاني=مابي احد يسكن خفوقك سوايا

واليوم ماتت والفرح قد نساني=ما عاد لي غير العطر والهدايا

والا رسايل من سببها (أعاني)=في وسطها مكتوب سبت شقايا

كل شي بغرفتها (نظرته) كواني=مكياجها (و) سوارها (و) المرايا

ياليتني ما عشت حتى (ثواني)=(الموت) ارحم والقبر يا ضنايا



هذي حقيقة حب واللي دعاني=اكشف (معالمها) وكل الخفايا



ان الشعر ملَت تقوله (لساني)=هذي النهايه والعشم في البقايا[/poem]