[فاطمة ناصر]

[poem=font=",6,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لبيه ماطافت البسمه وهب النسيم = ولبيه ماغرّدت بقلوبنا الحآلمه
يا " فطيم " لاجت من شفآهك بنبض الكريم = أقول يا عز من يملك حشا فاطمه
آمر وسولف وما يذبح فؤاد اللئيم =الا الهوى الي بنينا مجده وعآلمه
مليت عينك وتحسدني عليك الحريم =ومليت عيني وقلبي منك وش يآلمه
غيابك اللي شعل ناره وقلبي هشيم = وتقول ظرف الحياة ولا احدِ سالمه
وأعذرك وأغرق بصوتٍ نبرته فالصميم =سحره تعدا حدود جهاز ومكالمه
يانبضي الطاهر ويا عشقنا المستقيم=عروق قلبي تغني لك وهي ظالمه
تغار وتغار والغيره بقلب الحليم =أشد نارٍ تولع في حشا فاطمه [/poem]