[شقران الزيادي]

الاهداء الي / همس الحنين اقدر متابعتك وتشريف متصفحي بشخصك .. شكرا يا انيقة هموم جيل !! !! أما بعد .. إن لم تكن لديك طولة بال فــ أضغط على ايقونة [خروج] الاهداء .. إلى جيل أزمة الخليج التوقيت .. أي وقت بعد الساعة الخامسة والعشرون يا كبرها شرهة الغالي على غالي!! رصــــاصة الــــرحمة !! [poem=font="arial,6,silver,normal,normal" bkcolor="black" bkimage="" border="none,4," type=2 line=0 align=center use=ex num="0,black""] في الثلاثين حاجه تشبـه المستحيـل=اكتشافات شخص ٍ مات قبـل الأجـل كم كتبت القصايد لجل طرف ٍ كحيـل =لين طيبـت فالـه وابتسـم واسفهـل كنت اخذ من الوان الشفق والاصيـل=لين حمرة خدوده تكتمل لـي خجـل وكان ينعس على اوراقي ودمعه يسيـل=يعرف اني احبـه بـس مابـه أمـل وكانت عيوني الثنتيـن لجلـه مقيـل=لا دخل وسط عيني صاب جفني كسل وكنت انا اقرى بعينه لا نوى بالرحيل=دمعتين ٍ تراجـع كـل ماجـت تهـل و هالقصيدة أبكتبهـا وبالـي طويـل=ليه ؟مدري ولكـن ! تكتمـل تكتمـل هي بفكري سحابه تهدي الارض سيل=وايه انسان غيري يعتبرهـا هبل وهي بفكري رصاصه ما [اْتدور] قتيـل=غير شاعر عتيبي داجها لين مل فـي زمنـا الليالـي كلبوهـا تميـل=وفي زمن غيرنا ليلـه ومـا تحتمـل! ماندور ورى الايـام كثـر الحصيـل=لكن القوت يبغـى يـا وطنا عمـل لا تقولون صعبه! [وهمـ/ ـنـا] المستحيـل=امنحونا مساحه وابشروا بالـف حـل ما ندور عطايا فـي زمـان ٍ بخيـل=كلبونـا نمـد اليـا زمـنـا بـخـل قلـــة الحـال شينه والحيـاوي قتيـل=وكم نفوس ٍ كريمه تستحـي لا تسـل مدة اليـد توجـع / حلنـا بالرحيـل=بيـن ناريـن ثالثهـا مـوادع اهـل كنت اصب النوايا في حياض النخيـل=وارتكي للعواصف دون جذع النخـل واتسمـر علـى طرافهـا كـل ليـل=خايف ٍ من غرير ٍ صاب فكره خلل لدوا الطـرف للـي ارتكـوا للثقيـل=قبل لاحد ٍ ينادي جوك [جـو وسهـل] جيلنا ما توانـا يـوم قبـس الفتيـل=باع عمره لداره ليـن شـل الحمـل عام تسعين يشهد ان هالجيـل جيـل=بيض الله وجه الوقت واللـي حصـل قبل صوت المدافع كلـن اقبـل يشيـل=بندقه باليمين ومجنـده مكتمـل لا هنيا وخلو قول قالٍ وقيل=ناوي ٍ لي بنيه ما بقلبي وجل ناوي اخض هالقربه واشق الصميل=لين اخلي صليب الراي ينطق بـ [هـل؟] هل هنا يقصد النخلة وجـذع ٍ يميـل=وهل هنا بطن المعنى بـ/ بعـض الجمـل وهل نحط القصيده في العيار الثقيل=او شويعر يبي الشهرة وقمة جبل وهل هو انسان عاقل او هو اكبر هبيل=هلهلوهـا ولكـن هلهلوهـا بمـهـل وفوحوا دلال فكري لين تثمـر بـ هيـل=واضحه واوضح من البدر لامن كمل سامح الله حظي والوطـن والرحيـل=وجمل الله قلـب ٍ عزتـه مـا تمـل وعظم الله اجر انسـان بالـه طويـل=كانه امضى حياته وافي ٍ للرمل في وطنا لجدران الغلابا عويل=وفي وطنا لأغراب المنازل محل وفي وطنا جذوع النخل لازم تميل=ليه مدري ولكن وضع ما يحتمل وفي وطنا ما اجامل ابن عم وزميل=صادق ٍ معه لبعد من حـدود العقـل وكان صدقي بيزعل جاهلين وهبيل=يكفي اني اوصلها لأكبر فحل مبدأي مبدأ الفريـس وقـت الصهيـل=بــ/أول الجيش تلقى في يمينـي عصـل حسبي الله على الغربة ونعم الوكيـل=ما على الله صعب وكل شـي بـ أجـل [/poem] أما قبل .. شقران عبدالله الزيادي