[عارف زينل]

السلام عليكم ورحمة الله وبركاته

الاهداء: ل مشعل دهيم

ولكم جميعا




[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]خلاص قلبي حطم القيد بالقيد = مسموح ان جيتك وان رحت مسموح
كلمه بقلها لك وتنعاد لك عيد = مزيون جيتك وان توكلت مجروح
كنتي لقلبي فرحة العمر والعيد = كنتي لجسمي بعد موتته .. له روح
كنتي ظلالي يوم يحرقني البيد = كنتي صباحي لو رفض ليلي يروح
كنتي جنون وعقل والسهل والكيد = كنتي حياة وموت واحزان وافروح
جيتي حقيقه بصوت حلمي اناشيد = وانا طموحي طفلةٍ تنعش البوح
حظي فقير ويوم جيتي غدا سيد = يبني لغيرك صرح ولقلبك صروح
ماني بصيادٍ ولا قلبك بصيد = ومانتي بصياده ولا القلب مسروح
عشنا سنينٍ بطأها صوت عربيد = عشنا فدرسٍ عالبشر غير مشروح
كنتي مثل آيه وانا كنت ترديد = او كنت انا شاعر وكنتي لي النوح
ماجيت أفجر في مسامعك تغريد = ولاجيت ألبس خافقك شي مطروح
دامك مع النسمه تروحين لبعيد = دام الوفا بفستان هالقلب ما يفوح
اكتب جيوشٍ فيك ماظن بتفيد = دام الهوى ما ينبتك حلم وصروح
خلاص قلبي حطم القيد بالقيد = مسموح ان جيتك وان رحت مسموح [/POEM]



اخوكم