[
همسك] يجنني ومو ناقص جنان
................ تكفين/ همسك جايب العيد فيّه
بشويش [عزفك] شكّل زهور واغصان
................ رسم طيور وشمس غيمً وفَيّه ؛
رقّص شبابيكي على عتم جدران
............ وفكري [تمايل] بين جنح ورويّه
داوى حروف اْشعاري بنزف قيفان
........... واغفل يداوي جرحك اللي [هنيّه] .!
همسك خرير الما مع [انفاس] خلجان
........... وحفيف ضحكك طيّر الشوق بيّه ؛
حتى تهيا لي من الغنج شطآن ؛
........... وابصرت طيفك مشرعٍ في عنيّه
ياما [سرقت] السمع من فيك كالجان
............. و نجومك أْنفاسي وشهبك يديّه
آنا دخيلك دام للفرح بيبان
.................. فكي يدين الفرح حرّه أبيّه
ما دام جن من الدلع ولد [زهران]
.............. لو رحت فيها مين يشره عليّه؟!
؛؛؛