[تلاهيف العمري]

،/

يانجاد الشاذ بو العلم الحراري
.............. كلمتين اسمع لها علم وقناعه
من ترجل بالسلاح الإنشطاري
............. مفلس الجيبين من اصل الشجاعه
كان قلبك مثل بعض خطاك ضاري
............. اختر الساعه نجيها قبل ساعه
بالصقال الُّرهّف البيض المباري
.............. بالحراب العُكَّف الشُرّه الجواعه
بالخيول الصافنات وبالجواري
............., بالسرايا الطاحنات وبالإذاعه
بالنسور وبالشواهين الحِراري !
.............. بالنمور وبالأشاويس الجماعه
وانت خلك ممتطي جحشك وجاري
.............. حيلة الثعلب ركوبٍ في وضاعه
ذيلك اللي طال ماطال اختياري
.............. ماتطاول غير لا حان اقتطااعه
كيف تأمن مكرنا والله داري
؛............. عن خبايا لو تخَفْيّها مشاعه !
كيف تأمن مكرنا والله باري
.............. كل شيٍ تحسبن لك انتفاعه !
كيف تامن مكرنا والله شاري
............. مالنا وارواحنا له فرض طاعه
بادرتك الخزي بادرها بداري !
............ ودي تعلنها بلا شغل اللكاعه
ودي تفهمها من الآخر حذاري
............ دام هذا الجهل لحثالك صناعه
شعبنا دون الحمى شعب إنتحاري
......... مايهاب الموت لو يضرب بقاعه !

/