عم تسالي
وفيروز بتغني البحر
وبيناتنا ما في حكي
ولغط وقهر
البيناتنا اكبر من الكلمات
ومن كل الحكي
اكبر من الوديان
بتسقسق مطر
اكثر من الازهار
وليالي العطر
البيناتنا
مروج الفرح
وجبال موالا صَبر
انت السهر
بعيون بتحب السهر
انت الدفا
بايام بيعز الدفا
انت الوفا
الماشي على جنب الطريق
وما انكسر
طلّي
سبقني الوقت
ونسيت الكلام
والحب عم يرقص
ع موسيقى العمر
يمكن خذلني الشوق
وطراف الغمام
نازل وجع عالارض
لا لا تسألي