لعاب ياهل الهوى لعاب
تعبني الزين بإعناده
يزعل عليه بليا اسباب
وارضيه واستحمل اعناده
صغير سنٍ كحيل اهداب
امعزّل الخصر ميّاده
ترفٍ سنا وجنته جذاب
خشف شذا عنبره ساده
عذب طري عودٍ ونهاب
للروح والقلب واوتاده
لا مرني فايح الاطياب
من خافقي ياخذ امراده
طيرٍ ابدنيا الهوى لعّاب
سبي المحبين له عاده
غصبٍ علي حاز عالاعجاب
امعلم القلب واستاده
الصاحب اللي وقف بالباب
هو صاد سهمي وصياده