طيفك اليامر ابعيوني ..احنّيه
بالدّمْع واعيونك تلحّف ابغيري
فضي العتب قصي شريط المشاريه
من طبْع قلبي لاشقه مايشيري
وان كان غيري غرّك ابين واجنيه؟
واعجبْك عشّه في زواياه طيري
على رصيف اهمال غيرك تلاقيه
مع الدمى ال حطّه ابصفّه تصيري
روحي وشوفي كم غصنٍ عبرتيه
اعداد وايد بس مابه عبيري
انا اختلف والشي هذا تعرفيه
وألقى سواك ..وماتلاقين غيري
وشرواي ع اسرار الهوى لا اتوصيه
كل السوالف نايمه وسط بيري
عبدالله صلال العساف