كفايه الفقد علمنا
أنا وروحي
ننام الليل ..
نتوسد مواجعنا
كفايه انا
في عز النوم
تفز اشواقنا ابـ لهفه وتسألنا
عن اللي راح .. وبقى طيفه
يسلينا بغربتنا ويجمعنا
مع الذكرى
وكل فكره
تمر بـ البال وتجرحنا
نتلفت
إذا مر الهوى وحنت
في الظلمه دريشتنا
نفتحها ..
نترجا يمر صوتك
يبدد ليل وحشتنا
نضيع افـ ليل غربتنا
ولا يبقى أحد معنا
نعلق في الرموش ادموع
بقايا اشموع نطفيها ..
نداريها غصب لكن
تفضحنا وسادتنا ..