[حمدان الشمري]

السلام عليكم ورحمة الله وبركاته

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/27.gif" border="double,4,darkred" type=1 line=0 align=center use=ex num="0,black""]


بغداد تنخى والعذارى مفاريع=وحنا بلشنا بالسهم وإكتتابه

من عقب ماكنا اسود ومداريع=اعراضنا للكفر صارت نهابه

لاهين بالدنيا وإذا قالوا نطيع=وأكبر هممنا بالشعر والكتابه!!

واليوم قمتنا تبنّى المشاريع=تشجب وتستنكر ولامن مهابه

ستين عام وقمة الغرب تطبيع=من كندليزا بوش لاخر كلابه

للحين ادور للعرب بس ترقيع=يطفي لهيب الاسئله بالاجابه

قمة عرب ماعاد فيها منافيع=دام الشجب حتى الشجب في ذرابه

وينه صلاح الدين وين البواتيع=اللي على نهج الرسل والصحابه

نبي نشوف العز من عقب تضييع=يبري غليل ام(ن) تزايد صوابه

بغداد تنخى والعذارى مفاريع=وحنا بلشنا بالسهم وإكتتابه!![/POEM]


وسلامة قلوبكم