[أنثى جموح]

هذا النص : قاهرني !
كل ما جيت أعبّر عنه : أسكت !
وكل ما جا يعبّر عني : يسكّتني !

شبيهــة الـريح ما للغُصن مــن يستـره .. ـــــــــــــــــــ
ـــــــــــــــــــ لاهب نودك وصاب الشمس حالة كسوف

حِنّي .. يغطّي خَضَار ارض الخفوق اصفره ـــــــــــــــــــ
ـــــــــــــــــ والبارحه شفّتك بـ حلم ولو انّي مـ اشوف

جيتي من آخر مدىْ الفرقى فـ حِسبة مره ـــــــــــــــــــ
ــــــــــــــــ كــنّ الطــريق يتهــجّى وقــع رجلك حروف

فيــك الحَــلا ذنــبٍ أكبــر يـرفــض المغــفره ـــــــــــــــــــ
ــــــــــــــــــــ كم جايع يشبع عيونه بـ حلو الوصـــوف ؟

اذكـرْك يومي صغيـر ولــي حلمْ مـ اكبـــره ـــــــــــــــــــ
ــــــــــــــــــــ والناس للناس صُحبة ألف حمل وكـتـوف

قلتي احبّك ،، وطاح القلب عــذق اشجره ـــــــــــــــــــ
ـــــــــــــــ وسلّمت لك جُملة جيادي وعفت السيوف

طافـــــت سنـــــين العُــمر دوايـــــر مــدوّره ـــــــــــــــــــ
ــــــــــــــــ ومحدٍ قدر يمنع سنيـن العُمر لاتطــــوف !

مــن علّمـــك تتقنين البُعـد بالمسطره ؟ ـــــــــــــــــــ
ــــــــــــــــــــ والعهد قيد.. ورديـف العهد كـثر الحلوف

آنــــا بحــــر قالت امواجه خـــــفاك اظهره ـــــــــــــــــــ
ـــــــــــــــــــ وللحين ماقال كل اللي على البال.. خوف!

آنا عُــــذر او عطــــر او غيــــــمةٍ ممـــطره ـــــــــــــــــــ
ـــــــــــــــــ لا القــاع داري ولا العالم لمـثلي ضيوف

بعيش قــــــدْ ماتساوم وجهــي المبصره ـــــــــــــــــــ
ـــــــــــــــــــ مثلي قِبل قِسمة الدنـيا ولا قال : آوف

انسان انسان مـ املك شي لجل اخسره ـــــــــــــــــــ
ــــــــــــــــ اعطيت سرّي للايام.. وعطتني الظـروف

،

للمبدع (ناصر بن حسين)



اللي لما سألته عن عنوان النص أعلاه أجابني حرفياً بـ :
انتي!
أو أي شي
...................... المهم انها (حاله) ،، << مع الفاصلتين