[فجر الجميري]

.
.
.
ولأنني أستثقل نقل الحرف من الورقة إلى هذا العالم الافتراضي .. "ربما لقلة الوقت في هذه الأيام !"
كان لها أن تتأخر عن معانقتكم لقرائتها ..!!

( صبَاح الخير يا مُسلِم .. )

صباح الخير يا مُسلِم ..
صباح الخير ..
ترى في داخلي دعوة ..
بأنك دوم تبقى بخير ..~

ومن أفعَالك ..
كثير أشياء تطربنا ..
من أفعَالك ..
تزيد أجرِك وميزانك ..
تخلِّينا نقُول بْـ فَرح ..:
بقى في الدنيا هذي خير !!
ولا تِسأل عن التفسير .؟!

/./

أنا أدري وش احساسي ..
كثيير أفكار في راسي ..
وَ لا أقدَر أدوِّنها ..
وأبعَثْهَا ..
لجلْ تِقْرا وتفهمها ..!
تبي تعرِف وش المضمون ..؟

7
7
7

رفَعْت بوقفِتَك راسي ..
وراس كل هـ "الأُمَّة"..
بوَقفة أخوةِ الإسلام ..
معَ صومالنا الجايع ..
يدوِّر حظَّه الضايع ..!
لقَى يدِّك تحنّ عليه ..
تطبطِب جرحه تداويه ..!
لكلِ إنسان حظه مال
في الصومال ..!
تكفكِف دمعه اللي سال ..
كأنك صرت حضن "أمّه" ..!
أفَاخِر فيك يا مُسلِم ..
ولا تُوفيك ما تكتب ..
لك الأقلام ..!

./.

بكَت أحزانها الصومال ..
تطالب لِبْس يسترهَا ..
وأكِل يتناوله الأطفال ..
أبَد مَا طَالبَت بأشياء ..
تِترفهَا ..!
تبي حدّ الكفاف تعيشْ ..//
تمر ..
موية ..
دقيق ..
ورزّ داخِل كيس ّ!!

أبد والله يا مسلم ..
عجِزت اليوم أتكلم ..
وأوصف فرحة في قلبي ..
عسى دايم نشوف الخير ..
بكل أحوال أُمتنا ..
و بَ أختم يا رجا الأمة ..
عساكْ تِسلَم ..
عساك تعِيشْ ..

الثلاثاء 5:45 صباحاً
23 رمضان 1432هـ
23 أغسطس 2011 م

.
.
.