تصدق..
هاليدين
اللي على صدري
تعاقب في سلام..
فيها انكتب عمرٍ جديد..
ما هو بـ لي..
للي تعوّد منجلي..
وسذاجتي به وجهلي..
ماهي بـ لي..
للحمام..
اللي على اسوار المنازل.
لأهبل الحارة..
لـ أصحاب السياكل..
ماهي بـ لي..
لأبو منصور..
اللي شاركني انتصاري..
وانحساري.. وانصهاري
والقبور..
لميتم الحيّ القديم..
كل طفل يعرف اوصافي القديمة
لـ سلوى.. ولـ صابر. وشيمة.
ماهي بـ لي لا وربي
مالي مني أي شي.
ولو بيدي.. والله اني
ما بقيت لهالظلام..
امشي ميّت وآنا حي.