على حد السكوت الي جرح خد الكلام وذاب
وقفت اودع البــــــــسمه ابقتلهـا علـى شفاتـي
سعيت ادور الفرحـه وادور للهنـا اسبـاب
تعبت وتاهت ادروب السعاده فـي مساحاتـي
طويت الحزن بيديني وفصلتـه علـي ثيـاب
تقول ان الحزن فيني شقا مخلـوق فـي ذاتـي
عشقت الليل لاطبق على عين النهار اهـداب
وغنت بـه نجومــــن فـي سمـاه تردد آهاتـي
قصيدٍ من الأسى سطر على لوح الزمان كتاب
حروفـن حبرهـا دم الوريــــــد وسيـل دمعاتـي
الاياحظي المقفي ترى عنـدي عليـك اعتـاب
قبل لا تبتعد عنـي تعـال وشيـل شرهاتـي
تصد بضحكتك عني وانا الي ماحسبت احساب
عوافي كانها هانـــــــت عليـك اليــــوم عبراتـي
اشيلك هم في صدري ولا افتح للعواذل باب
اشّفر موجــــــــة الونـة ولـو تكبـر معانـاتـي
تلوم الناس ماتدري وانا الي بالجفـا منصـاب
ادوس الجمره برجلي وابيـن دوم ضحكاتـي
الاياهمن بصدري ترعرع بالخفـوق وشــــاب
مادام انك على قيد الحيـاة تعآل اكتـب نهاياتـي
"..........."