إلى مشرفي ومتابعي أبعاد الشعر الشعبي ،،،،
لكم هذه الموؤدة التي لم تسأل بأي ذنب قتلت ؟!!!
سرى برق الحيا ممطر على جرحي بسر احباب
اخيله لين نور الصبح طفـى نـور مصباحـي
سهرت الليل أخيله لين صبري وانتظاري شاب
ولا عندي ونيـس الا هواجيسـي ومسباحـي
حبيبي للعتاب اللي بقلبي مـا فتحـت البـاب
دخيلك قبل تجرح خافقي لـو تذكـر اجراحـي
حبيبي لو بعد غيـاب عينـي مكثـر الغيـاب
وانا والله مافكر بهم مـن جـا ومـن راحـي
انا اللي ساقني لك شوق غيمه في عناق تراب
وجيتك كنـي الطيـر الكسيـر ادور جناحـي
احبك واكرهك يا جرحي اللي صدمتي لو طـاب
انا مبغي جروحـي تندمـل مادمـت جراحـي
حبيبي لو خلقنا الله جسد واحد نعيش اغـراب
هنيك يا خفوقٍ من عـذاب الوجـد مرتاحـي
تقابلنـا تعاتبنـا ونزعـل لاتفـه الاسـبـاب
انا مادري من المجنون فينا من هو الصاحـي
انا لو طعت قلبي كان روحي لك تطير اسـراب
وانا لو بشتكي لك كـان كـلٍ يسمـع نواحـي
كفايه لا تقول اغليـك وانتـه حبـي الكـذاب
انا ماعاد اصدق ضحك سن ودمـع تمساحـي
كفايه ما بقي لعتابنـا غيـر الفـراق عتـاب
وبيت الحب الاول ما بقي به غيـر الاشباحـي
الا يا قلب حط ايدك بيـدي والسنيـن غيـاب
ترا ك ان عشت في صحرا الظما بتموت فلاحي