بجــــــد صـعــــــب
قسوة زماني مغرباني
حرماني حضنك يا أغلى حب
مشتاق أضمك
أسعد بقربك
يا أحلى زهرة لحبيب يحب
لو كلن بإيدي
أحقن وريدي
بيكي وأصبك في قلبي صب
نفسي أبقى ريشة
طايرة ف سماكي
لما نسيم الربيع يهب
حبيت أقولك
يا حب عمري
إنك أرق وأحن قلب
في حضنك إنتي
بحس إني
صاحب عزيمة حديد وصلب
بس أما يطغى
زمن المآسي
ييجي بطوفانه يغلبني غلب
وإنتي الحبيبة
أجمل طبيبة
بتداوي جرحي بحنان وحب
أشهد بإني
تعبان في بعدك
البعد عنك . . بجد صعـــــب
الشاعر : عمرو عماره
في جـــدة : 2003 م