احبّك والليالي قلبها قاسي وانا مشتاق
تعالي واجمعي بعْضي على بعْضي وظمّيني
انا مثلك رهيف القلب روحي تسكن الاحداق
اذا طالعتي ابداخل هدب عيني تشوفيني ؟؟
حياتي صارت الغربه وطن واحبيّبك لاضاق
يهل الشّعر دمْع ابغيبتك لامن بكت عيني
ابي كفّك هي المنديل لاهل الشعر رقراق
وابيك الياهمل شعري على الوجنات تقريني
اصب الشاي يشربني السهر واستلطف الاخفاق
كذا متعوّدٍ لامر وعد وما ذكرتيني
يذوب السكر المنسي ابآخر كوبي وينساق
على اوراقي لعاب الملعقه تكفين!! خوطيني
عبدالله صلال العساف