[عبدالرحمن المالكي]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
بذاك الليل واسراره بدت ذيك الحروف العد=بلعبة كاهنه منها حروف الشعر منقاده
تواسيني على ( نزوه ) وتصفع في سنيني خد=وتتركني انازع موت ما قررت ميعاده
رمتني في رصيف الجوع لجل شباكها تمتد=لجل تعبث على جثة ( ألم ) وتكسّر اوتاده
تشرّح ( فكر ) شاعر من بقابا سكرته مشتد=تصيد إحساس ما يخضع سوى لسهام صياده
سقتني من ( زعاف ) الفكر جرعه مغتشيها برد=سقتني من جنون الشعر لين أدمنت براده
تقلّبني .. وترميني .. كما لو كنت ( زهرة نرد )=تنقص كل ما ترمي من اطباع الوجع عاده
تقول أكتب على لحني ولا تصبح لبحري ضد=تقول ( اسكر ) معي لحظه بكاس الشعر وإلحاده
تقول أكتبني بشعرك عطش ( ملعون ) ماله حد=تقول ارسم ( شتا ) جرحك بجنبه نار وقّاده
رمت بالشوك في دربي وانا اللي كنت اظنه ورد=وطيته غصب عن نفسي ( ثمن ) للشعر وانشاده
ذنوب كثير تهديني وتحفر خلف ( ظلي ) لحد=وتتركني ( وطن ) مهجور جن الكون له ساده
تزيد الهد .. وقت العد .. وتكسر من عضامي يد=وتعبث في ( تفاصيلي ) إذا حنّيت بزياده
تعاتبني على كلمه ( ذكرها ) في صلاته عبد=وتتبعثر خطاويها .. ليا هميت بعباده
هذيك ( الكاهنه ) صارت لمستقبل حروفي غد=وعزفي دايماً منها .. يقرر يوم ميلاده ..!!
[/poem]