[أمجاد محمد]

عطش
والرصيف ادموع
والشارع حزين

أرق
والليالي جوع
والعتمه أنين

ينكسر صمت المكان
والدعا .. رفرف تعالي
بنطرك ليتك تجين

اعبري بيبان حزني
اشعلي الرمضا خطا
اربطي حبل الوتين

بشربك أو تشربيني
برتوي بك
قطره .. قطره
بزرعك بيني وبيني
لو بغيتي تكبرين

سولفي لي
من متى هالسكه ظلمه
ما دريتي .. يوم مشيتي؟
ولا إنك .. ما بغيتي تعرفين؟

اصفقي كف الندامه ف الضمير
واسألي..
ويش بعد باقي يصير؟
جربي لو مره وحده
شنهو يعني تندمين

أدري إنك
كم سهرتي
كم سهرتي
كم سهرتي
كم صبرتي
كانت الأصوات أبعد
لما كنتي تسمعين

اشطبي تاريخ موت الأسئله
اكتبي قصة عذابك
ادخليها
وابدأي رحلة حنين

ولو نويتي ترجعي .. تتراجعين
اجمعي ملح التعب
من أيادي الكادحين

اكسري صمت الشوارع
رتبي رف المواجع
لوني حزنك فرح
واشربي شكك يقين

لـ / منتهى