[العنود الشيباني]

زفرة ألم

ترجمتني حروف نازفه على ضفاف السطور

آمل ان تجد بعض القبول وترتقي الى ذائقتكم احبتي

شعور الزمهرير

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشتا عاث بدفا ..ياشعور الزمهرير=لامتى هذا الأسى ينتهكني بالخفا
انتهى حلم الزهر بين طيات العبير= عقب ماكان التمني على راحة غفا
مادريت أن المواجع لها ازيز وزفير=لين شفت الجرح ياتي ضريبه للوفا
الشدايد علمتني.. في هالدنيا كثير=وكل من حولي تركني لأحضان الجفا
الاماني زيفها في متاهات المصير=آآه ياكذب الاماني ..و ياوهم الدفا
الطريق امشيه وامشيه ويزيد المسير=مارحمني و المتاعب غثاها مااكتفا
تعبت حروفي تردد معاناة الضمير=والعمر جوّه سنين ٍ معكّر ماصفا[/poem]

غيمة غلا

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أسأل نجوم الليل والليل والباب= والمغريات من القصيد وعذابه
عن سر ترحال الألم بين الأحباب= وعن صدق زفرات العذاب بغيابه
يامعذبي ..يامعذب الشوق لاذاب= بين الشعور وبين حرف الكتابه
كنّه أنا.. وإلا أنا صفحة كتاب= في معجم اشباح الخيال بكآبه
خذني من الواقع على مركب اعتاب =وأبحر وانا أبحر ونتكوّن سحابه
غيمة غلا تعطي ولاتحسب حساب= تمطر أحاسيس الوله والصبابه[/poem]

مُجرّد بعثرة ذات
فــ/عذراً اذا حدث بعض القصور

جنائن من الورد لكل من مر بحرفي