شفها نستني يـا زمانـي وظليـت
..................... بين المحال أدسِّني عـن ضياعـي
لا تلومني لـو انفهقـت و تخفَّيـت
.................... لا الوجه ذا وجهي ولا القاع قاعي
بغايبها .. عشت الجنون و تحّديـت
..................... .. حاضر غريب أحاربـه بإندفاعـي
عانيت من كثر إرتحالـي و مليـت
....................... إدروب .. مايوم ٍ سعت لإجتماعـي
ياما شكيت إمن الليالـي و زمْيـت
............... .......... صدر السنين المظلمـات بْذراعـي
و ياما شموخي طاح بي و استمديت
.................... ....... من عنفواني هيبتـي و ارتفاعـي
و ياما ظلالي عافنـي و استظليـت
...................... ... سقف الشتات ابرغبتي و اقتناعـي
اقفت [........] عن دروبي و ناديت
..................... ..... يا المقفية راعـي لـك الله راعـي
راحت يجاذبها زعلها .. و غنّيـت
........................ ..... فقـد ٍ يلـوِّن بالغيـاب إلتيـاعـي
حتى الشعر أقفى معاها.. و قفِّيـت
.................. ....... يم المحال أدسِّنـي عـن ضياعـي.