[هيفاء الزامل]

و انا أحبك بعَد، والله!
كثر ما هو السهر طَبْطَب على عيني..
كثر ما آصيح لك «لبّيه»،
و أدري:
ما تناديني!!

تحبيني؟!
فراشات الفرح طارت،
من إحساسي إلى إحساسك..
أحس انفاسي: انفاسك..
أحس ما بـ المسا ظلما،
أحسّك غيمتي ..
والما:
هوى يعشب شراييني..

تحبيني؟!
تعنوَن عمري بـْ اسمك،
تلوَّن قلبي بـْ لونك،
تأنسَن كل شي حولي،
شبَكت الحلم بـِ ايْديني..

تحبيني؟!
بـِ ربَّك بس عيديها،
أبيها.. تسكن بـْ سمعي،
مثِل ما انتِ من شفتك،
ـ بلا إذني ـ .. سكنتيني..






.