[خالد الحافي]

////

///

لو مال غصن الهوى فيك ما ملتي
وانا يميل هواك القلب ويمله
.
.

لا فيك لا في والله ما تجمملتي
يا تل قلبي وقلبك انت يا تله
.
.

فيك الهوى شايفه لو ما تكلمتي
في كل حرف انتشي به منك وافطن له
.
.

كم ليلة جابك الهاجوس ثم شمتّي
عن كل ما ينقضه جرحك ويرسله
.
.

وكم لي اشوفك يا كم للجرح دمدمتي
يا سيدة قمة الأحساس والفله
.
.

وكم لي اشوفك وفا وفا ولا خنتي
وانا لو القلب خانك قلت لك خله
.
.

وكم لي اشوفك كبيره لا تعظمّتي
وكم لي اشوفك عظيمه طلتك طله
.
.

وكم لي اشوفك حليمه لا تمكنتي
يا بعد من هو تمكن خافقي والله
.
.

وكم لي اشوفك قريبه لو تبعدّتي
لو قال قلبي بعيد الله يسهله
.
.

وكم لي اشوفك احاسيسي ومرسمتي
صفحة بياض الزمان وما حوى كله
.
.

وان مال غصن الهوى وانتي ولا ملتي
ترى خفوقي هواك ان مال ما ملّه

//