..
إياكي اعني واسمعي ياجــاره
واياكي اسمع ماقصدني جـاري
لو النـوايـا بالـوفـا ثرثـاره
محدن شرى بايع وباع الشـاري
الناس واجـد والغـلا مقـداره
من قلله .. يقـل به .. ياقـاري
مثل الصباح اللي نما ف الحاره
وامسى ضحيـة للنما المعماري
دق السكون جـدار في مسماره
والحي ماهـو داري انـه داري
( الحب زرع ٍ والوصال اثماره )
ليتـك قطفتي ماقطعتي اثمـاري
لا ماحفظتي الشوق طاح جداره
وامسى معلق فالهـوى مسماري
حتى شعـرت اني محب وكاره
وادعي عسى باقي الهوى للذاري
لو النصيـب لصاحبـه يختاره
محدن يفارق رغبتـه إجبـاري
: