[مبارك أبوظهير]

الفتنه نائمه .. لعن الله من أيقظها

هذه القصيده أتت (( ترجمة مشاعر )) لما يحصل في ساحتنا المحليه .. نسأل الله أن لايفتنــّـا وأن يطفيء نار الفتنه المشتعله منذ مده ليست بالقصيره .. وأن يهدي كل ضال .. وأن يهيء لهذا البلد أسباب الأمن والأمان والطمأنينه .. ويرد كيد من أردا به سوءا ً في نحره .. إنه ولي ذلك والقادر عليه .

*

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا عيوني من البارح مهي نايمه=أشــوف كــــن الــحــروب بهـالـبـلـد قـايـــمـه
كل ٍ يسولف يظن إنه ولي أمرنا=والمشـكل الـنــاس تـتــبــع كـلـمــتـه هايـــمــه
ماعاد ندري من اللي صادق ومن كذب=مدري إنــّجــمـــنا لأن أجــواءنــــا غـــايــمـــه
أو إننا شعب نجهل في خوافي الأمر=ضاعــت علــيــنا العــلوم وروســنـا حـايـــمــه
مابين الأقواس صرنا ( إمعات ) وبعد=كــثــرت بـنــا أمــراضـنـــا وكــبودنـا زايــمــه
إعلااامنا أغلبه فاسد ومن جرأته=الــروس نــامت والأذناب أصبحــت قـايـمـــه
ياناس هذي بلدنا من لها غيرنا=تــرى الـنعــم لابــطــرتــوا ماهــي بـدايــمــه
كم من بلاد ٍ طغت والله خسف بأهلها=من فـعــل أهــلهــا وطـارت من على القايـمـه
فتنه وثارت وعـمــّـت فالبلد مشكله=ملعـون مــن وقــّـظ الفـتـنــه وهــي نايمــه
والشيخ أدري صبر بس الصبر لي متى=صج الصبر زيـن والله مـــاني بـــلايـــمـــه
لكن بعض الأوادم لأحـترمتـه بــطـر=ماهو كفو يـُـحــتــرم لـــن الـــردى رايــمـه
اللي يفرّق مابين الشعب وأطــيـافـهم=نفسه عن الطيب وعـــلوم الـظـفــر شايمـه
ياشيخنا لاتـخـليـهــم عــلى كـيـفـهـم=الشعب منــهم تــرى ضـيــم الدهـر ضايـمه
ياشيخ حنا بــذمـتكم وبــأرقــابـــكــم=وأرواحـــنـــا عـــن محــبــة غيركم صايمـه
حنا ولانا لكم .. ولا نــبي غــيــركـــم=لاتـــتـــركون السفــيــنـه فالبحـــر عايـمه
إن ماتصديت للفتنه واهــلهــا تـــرى=مــاعـــاد والله تــقــوم لهالــبـلد قـــايــمــــه[/poem]

*

مبارك نايف ابوظهير