في البدء لست بذلك الشاعر الذي يعتقد ان شعره سيف مصلت على كل من أساء له لست كذلك وأكره أن أكون كذلك فإن وجدتم شيئا من السخرية والتعريض فهي استثناءات لا أقل ولا أكثر أرجو أن تتفهموا ذلك..
.
.
(1)
سلامي عليكم ياهل النت واالشات
انا في دمي ذا الليل هاجس بطولة
.
.
ولكن لنفرض طلعتنا الامارات
خذي الامر عادي يالنفوس الزعولة
.
.
ترا اهم شي الاخلاق والابتسامات
ومتلازمات التنمية والسيولة
.
.
فلااسمع شغب مزعج ولااسمع إساءات
ولا استثني الاالمبزرة والطفولة..!
.
.
تعالوا معانا وان خسرنا البطولات
ترا الفوزحاجة ماتجي بالسهولة..!
.
.
نحلل ونتناقش وننسى الصراعات
نجد في الحواراجمل من اللي ننولة..!
.
.
ترا اللي ماهو واعي بالاقدام ينشات
ولورفّدوا ربعه ولو (عنّزوا له)..!
.
.
حريّ(ن) بمن له يكثرون الهتافات
يعزون به لاجاه عقم الفحولة...!
.
.
فلايمكن ادخل حرب مع ست ستات
ولا ضد من طولي غدا ضعف طوله
.
.
وجدت (العفن بالطبع )ماله مداواة
لو ان الخليج اليعربي ربع تولة..!
.
.
وانا مااقصده للذات ..أقصده بالذات
وذي جملة فيها من البحر لوله..!
.
.
مغرّر وباع المرجلة بالفلاشات
فما قيمة الرجال دون الرجولة.؟؟؟
.
.
(2)
بقاياحجيج...!
.
.
الفكر هد التنامي للعلا في قطر
والفكر قهقر مطايا تنمية في الخليج
.
.
ماهوب تعميم.. تفرق من قطر لاقطر
بين التنامي الحقيقي والتنامي الخديج
.
.
دولة من اعظم مصايبها هطول المطر
من الفساد المعتق والتخلف مزيج
.
.
تحدرت من خطيرة لين صارت خطر
فكرة نسيج لجسد ماهي جسد للنسيج ..!
.
.
لاواختزل قمة اسفاف الورى في شطر
ذكرت واحد يقول انا بقايا حجيج..!
.
.
القصد حصر العقول المبدعة في أطر
ودك توقف على اطلاله وتنشج نشيج
.
.
والشعر كلمة وعيش الناس كله سطر
كثرالبحور الأجاج وفيه بحر مريج..!
.
.
زيجات متعته سبّبها الفقروالبطر
مافيه زوج بهيج ولازواج بهيج
.
.
واذا قضى زيد من بنت الذينالوطر
عادت للاول والاول كل زعلة يهيج
.
.
من قبل عيد الضحية لين عيدالفطر
ياكم ذبحنا كباش وكم تركنا نعيج
.
.
من بعد إذن الكرام... آناالمسجل خطر
ورغم أنف الظلام ورغم أنف الضجيج...!
(3)
قلة حياء
قلة حيا في بعض أحيان ان تستحي
وبلهجة (اللي احب ) تصير (قلة سحى)
.
.
سكتّ لاجل الكريم فغلطة تنمحي
واتعذره في الخطا لاصارماينمحى
.
.
إذا تحالف مناحي زعزعه دنحي
فمشجعة بودلامة هم رفاقةجحا...!
.
.
وانا امدح المنصري وانا امدح الدلبحي
كل العرب عود واحد والقبايل لحاء
.
.
ياكلاب قولي لشرواك اصمتي وانبحي
حكمك على الناس مثل: (الليل عز الضحى..!)
.
.
تفطني ياعقول وياعيون اشبحي
آثار حلق الشنب تدفع جزاه اللحى
.
.
مالك وللناس لو تجحد نزول الوحي
خلك كما الطود الاعسر لاثبت وانتحى
.
.
يارجال مثل السواد فلحية الملتحي
مافيه واحدعلى دمه خجل واستحى..!
.
.
غير اصدقي ياغزيّ وبالجواب اقدحي.
منهو الذي صار حب ومن بيوته رحى..!
.
.
ترا الغرير الذي من ذكر ابوه استحي
مااشغل سوى امه سواء نام والا صحى...!
.
(4)
يارب يامخلف وياقاطع الخلف
رحمتك ما توقف والآثام جاريه
.
.
مركاز بعض الناس في قبة النجف
(مثل انور السادات عند المصارية)
.
.
اللي ماهو واعي ببيعته للشرف
يسب ناس عن مواقفه داريه
.
.
ليته ليا منه عرف عنه واعترف
مايصطلي بالنار والنار واريه
.
.
خيانة الإنسان في لحظة الشغف
آثارها في كل الأجيال سارية..!
.
.
وحبوب منع الحمل كم قفلت ملف
ضاري رداه يسد وش عاد ضاريه..!
.
.
ياهل التزلف والتفاهات والصلف
ليلة سرا الماجن وحرمته سارية....!
.
.
ثم اجتمعتم في المكاتب وفي الغرف
شلة حونشية وشلة خكارية
.
.
نعرف وش المعنى وندرك وش الهدف
ماهوضروري تعرية كل عارية..!