[عبدالله الطفيلي]

السلام عليكم ورحمة الله وبركاته

[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مقساك يا الطعنة اللي من بعدها موت الأحساس=ولملمة كـل ذكـرى للرحيـل مـن المحانـي
البال موحش ويحكي يازمن وش غيـر النـاس=واحس حتى صدى صوتي بعـد مثلـه يعانـي
تبدد الحال واللي كنت احطـه تـاج عالـراس=زرع بقلبـي سكاكينـه وأول مـن جفـانـي
والروح تصرخ يحاصرها الحزن واقول لاباس=كل الحكاية نزف جرحـي ومحبوبـي نسانـي
انا الغريب الذي من قوت حظي يحطب الفاس=وغابت شموس امنياتي قبل تشرق من لسانـي
افلاس كل الشعور اللي جمعته صابه افـلاس=والحلـم مفجـع وخطواتـي تقيدهـا الأمانـي
حتى الوساويس مرت خافقي وسواس وسواس=وباقي تبادرني اللوعـات وانـا فـي مكانـي
وحتى المسافات ما بين العتاب وطهر الانفـاس=وقفـت ما بينهـا واعطيـت كـف ما عطانـي
ياعازف الناي هذا انا لفيت لقـرع الاجـراس=وأهديـك دمعـة ألـم تكفـى ترتبهـا اغانـي

ودي يضج الفضا كل الفضا بشعور واحساس=ودي زمان الفرح لـو مرنـي طيفـه ثوانـي

[/poem]