فتحتي للجفا باب
وفتحت من الغلا بيبان
ويديني تحرث لقاع السراب العذب مرجانه
كتبتكِ
للهوى قصة خلود
وحار بي عنوان
وانا مالومها كل الحروف ان جات حيـــــــــــرانه
رسمتكِ اطهر انسانه
وضعتي فـزحمة الألوان
خسرتي صورة الطهر الحقيقي بس علشانه
حساره يا الحبيبه كان بيدكِ تملكين انســان
خساره كانت اقرب هاليدين لقطف ريحــــانه
خساره كم تمنيتكِ
تكوني لغربتي اوطان
وادوّر في غيابي عن حظور لضمة احـــضانه
تمنيتكِ تكونين الجحيم لثورة البــــــــــركان
تمنيتكِ تكوني سقف هذا البيت واركــــانه
حفظتكِ عن عيون الناس
ورده فـدفتر الكتمان
قفلت الدفتر
وصنت الغرام بكل ايمانه
تعالي علمي هذا الشجر :
وش فايدة الاغصان ؟
اذا ما غذته قبل اليباس المُرّ قيـــــــــــــــــعانه
تعالي وجّهي وجه المدينه لقبلة الحرمـــــان
تعالي وادفني صدر الشوارع بيد شيطــــــانه
بتبقى في عيوني صورة الوادي وهو ضميان
وبرحل عن سحابٍ ما يمد بحب وديــــــــــانه
وبقفل كل بابٍ قد فتحته للهوى باحســـــان
وبحضن رجفة القلب التعيييس
وبرد جدرانه
وانتي يالحبيبه كان بيدكِ تملكين انســـان
ولكنكِ خسرتي كل ما فيني
علشـــــــــــــــــــــــــــــــــانه !