[فيصل خالد]

سافرت للعربيه السعوديه من كم يوم ــ وصادف أن دخلت السوق في مدينه سعوديه نائيه نوعا ً ما ووجدت هذه [ اليافطه ] تتصدر واجهة المحل مكتوب عليها :



المحل للتقبيل



كان معي أحد الأصدقاء وهو من جعلني أنتبه لها قال لي :

فيصل فيصل فيصل المحل هذا [ حق بوس ]

قلت له مستحيل !!

قال لي طيّب إقرأ

وفعلا ً لما قرأت وإذا بـــ [ المحل للتقبيل ]


قلت له شرايك نسأل هــ الشايب اللي جالس جنب المحل ، لإنه بصراحه أنا قلت فيه خطأ بالموضوع ــ أو يمكن الخطّاطْ كتبها غلط !!


وقفنا عند الشايب ـــ [ صاحبي حضري ولابس بنطلون جنز وتي شيرتْ ونظارات ] مودرن الولد ـــ ومايعرف لــ سوالف إستقبال البدو ـــ قلت له إنزل للشايب وإسأله يمكن فيه شي خطأ ـــ المهم نزل صاحبنا وإستقبله الشايب إستقبال حار ــ طبع أربع بوسات على مِحْور خدّيه وأجْلَسَهْ غصبا ً بالقرب منه لــ يحتسي معه القهوه ـــ كــ عادة البدو [ جعلها ماتنقطع ] ، صاحبنا بدأت على وجهه علامات الخوف ــ وإنتبهت له يزحف قليلا ً عن الشايب ـــ وفجأه ينطلق إلى السياره ركضا ً ـــ ويردد [ حرّك حرّك بسرعه بسرعه بسرعه ] ـ قلت له شفيك عسى ماشر ــ قال [ من صجك إنته ] الشايب هذا مو طبيعي مينون ـــ قلت : ليــــه ــ قال لي : ماشفته طاح فيني بوووس


طبعا ً إلى الأن أنا غير مقتنع بتلك [ اليافطه ] وما كُتِبْ بها
هَل مِنْ شرح وافي لـــ [ المحل للتقبيل ]