[أنثى جموح]

يا ناس أنا مقدر أقول اللي أحسه في كياني
يا ترى هو عيب فيني ؟
وللا هُوْ طبع الزمان ؟
وللا وللا هو سببها ...
يوم اهو طبعه أناني ؟
أنجِرِح من كثر شوقي
وأحتِرِق من صمتي الوافي وحزني ...
مع شروقي
وهْوَ يدري
حسّ فيني
ثم سألني
عن سبب هذا السكوت
ما درى إني أموت ...
واغرق فـ بحر الكبوت ...
,
و "ما في شي" جاوبته
بعد ما الصمت قاومته
وقال "أيوه , تعلّمتي تخبّي سرّ"
,
وانا؟
تذبحني الغيره
على سيره
نطق فيها من اول ما لقاني فَرْح
قعد يتكلم وْ يضحك وزاد بْـ شَرْح
ولا يدري عن اعروق القلب شتّى
وتتقطّع مع اعلومه ...
ولا حتّى
قدرت أفهم من أسلوبه
نَجَا سرّي بأعجوبه
و"ما في شي" جاوبته
بعد ما صمتي قاومته
وهو روّح
لعلّ ينام
وانا ما فيني امروّه
ولا فيني على الغفوه
وهو روّح
ونام الليل...
وأنا ع الهمّ سهرانه
ولابي حيل...
وأقول العين
لو هي خيل...
بتتسابق معا هالغمّ
ويا عمق الحزن
كـ اليمّ
ويا كِثْر الدّمِع والويل...!