[poem=font=",4,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انا هنا .. ! جالس اسولف مع الشوق .. !=واسقيه .. شعر ٍ كل ماجف ريقه
وهنا حنين ,, ودمع .. واشلاء مخلوق= وحلم ٍ تكبل ثم سبتـْه ..الحقيقة
وهنا ردى حظ ٍ كسر خاطر العوق =وقيود ..! ب يدين الشعور الرقيقة ..!
وهنا ازرع الآمي وتنبت بي طروق=وتثمر واقطفها .. معاني عميقة
ياعاشقي ..! شف صدر الإحساس مخنوق=يوم الزمن حده بما لا .. يطيقه
اشرب مكابرتي خمر ل أجل ماافوق ..!= وافوق ..! وارجع اشرب الخمر ضيقة ..!
وين الخطا مابين عاشق ومعشوق ..!= مابه .. خطأ .. الا سلوم الخليقة
ماابيك ليل من المواعيد مسروق= موت الهدف .. ولا إعوجاج الطريقة
محتاج لك ..! صبح وعصافير وشروق= محتاج لك ..! كرت .. وزفاف ووثيقة
محتاج لك .. ! ورد ٍ مندي ومفتوق= يروي ضما طفل المشاعر رحيقه
محتاج لك ..! حضن وامان ودفا عروق= وقمرى وهمس وذكريات ٍ عتيقة
محتاج لك ..! عين ٍ إذا طالعت فوق= ماودها ب شوفة عيوني غريقة
ياوسع صدر الصبر فيني وياضوق=صدر إنتظار الثانية والدقيقة
الشوق يلهث مابقى حيل بالشوق= اقطر ب فمه شوفتك .. جف ريقه[/poem]