[محمد عوده البلوي]

السلام عليكم ورحمة الله وبركاته



من العايدين


وكل عام وانتم وكافة المسلمين بخير وعز وسعاده ورضى من الله


أما بعد


تمنيت أن لم تكن لهذا النص مناسبه أكتبه بها بألم ..


تشاركوني جميعاً كل تفاصيله قبل وبعد القراءه



.

.

.

[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
حرقه .. ألم .. ضيقه .. تنهات .. ودموع=لا مستحي منها .. ولاني مرائي ..!
هذي ملامح حال .. ما هو بمصنوع=يعكس حقايق .. واقعي .. وانتمائي
مخفيه .. تِقْل إنه من النشر ممنوع ..!=ومكدّس أوجاعه بخانة .. مسائي..
ما تسمن الشكوى .. ولا تفك من جوع=إلا على ربي ... وهذا رجائي
وأنا عن الواجب .. مقيّد ومدفوع=وأحس مثل .. الانفصام .. بولائي
الدين عنه الذود .. لي حق مشروع=لكن على قول المثل .. صرت مائي
إنسان لا مرئي .. ولاني بمسموع=عايش على الهامش .. ضعيف انطوائي
على كتاب الله .. في هذا الأسبوع .. =تجرءا اللي ما حسب .. لازدرائي ..!
خبيث تكرم عنه .. فاره وجربوع=لكن تحدّانا .. الكلام النهائي ..!
يا أمة المليار .. حِسبه ومجموع=السالفه .. ما هي بذمة روائي
بانت خفايا .. تحرق القلب وتلوع=في سوقها .. صار الرجالي .. نسائي
ما عاد يفرقنا .. سوا الشكل والنوع=إن ما حفظنا .. ( خطنا الاستوائي )
وقبله تجرءا بيننا .. ضال موجوع=على أمنا .. مابين سامع ورائي
لا هو بمردوعٍ .. ولا ذاك مردوع ..!=من ضعفنا .. يطمع قريّب ونائي
كلامنا .. ما هو بالأفعال مشفوع=وأفعالنا .. يا نفس لك ما تشائي
أصعب علينا النصر .. من حبة الكوع=شيٍ يعرفه .. طالب الابتدائي
إلا بكتاب الله .. ومنهاج متبوع=سنه رواها .. الترمذي والنسائي
جهادنا عن دينا .. حق مشروع=ومجاهد أنفسنا .. العلاج الوقائي[/poem]

.

.

.

تحياتي للجميع وتقديري