[عبدالعزيز رشيد]

لـ [عبدالعزيز الودعاني]
كنت قد سعيت للاطلاع على قصيدة كان قد كتبها باحدى المناسبات الرسميّة وكانت القصيدة مدح , وسبب سعيي هو اللون الذي لم يعتد عليه ولا الكتابة به ولمحبّتي لجرأته ولخوضه بالشعر ومحاولته من دون حاجز الـ "يعجبهم" فهو متطرّف من هذه الناحية ويؤمن بما "يعجبه" أكثر من أيّ شيءٍ آخر لذلك أحببت أن أقرأ ماكتبه.

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خاط المسا وجه القمر بالسعاده =تلبس نخيل العز نور الفرح شال
وفي جيد الارض من التفاخر قلاده =مع هبة النسمة لها عطر يختال
ودلال ماضينا على نار عاده =وفنجال حاظرنا لكف الولا مال
لحضور رمز المكرمه والسياده =طابت لك ارض الخرج ياطيب الفال
ترسم لها بريشة كيانك رياده =لوّنتها عزٍ وبروزتها افعال
صارت مثل غاده ماهي بأي غاده =ماتنثني من حسنها لأي رجال
إلا لمثلك ياعتّي الإراده =دامك حفيد اللي صنع ملك واجيال
المجد لاسمك صف صفوة جياده =ساست بطيبك وانذهل كل خيال
تحيا ياابو فيصل وتحيي الإشاده =والمدح أقصر من معانيك لو طال
زرت البلد والحر يعشق بلاده =واللي على قلب الصدوقين ينقال
في ديرةٍ سكر غلاها زياده =فيها زرعنا الخير والروح والمال
من عهد الاجداد ارتوت بالجلاده =واضحت على كتوف التواريخ تنشال
ربي حباها من الجناين وساده =تغفى على روضة أمن والشقا زال
فستانها بستان يشفي براده =وباقدامها الساقي إذا رنّ خلخال
أم الأسود اللي تجيد الإجاده =واليوم جادت بالبنا كفوف الاشبال
باسم الوفا والفكر واجمل حصاده =يامير بامرك نفتتح خير مدهال
مجلس رفعناه بعمود العباده =وحب الوطن في صدره الشرح فعّال
مجلس يوحّد نبض ويشع إفاده =به حكمة الشايب وبه همّة عيال
بالود والتقدير نضغط زناده =شعارنا بان الوفا حي لازال
نستانس بناره ونرفض رماده =يرتاح في شوفة نواميسه البال
لاهل العلوم البيض فيه استعاده =يربط مسافات المحبين بحبال
والضيف ماننساه لا طل ناده =ومانلتفت لهروج عايب وجهّال
مجلس بظل الفكر يهدي مداده =مخضرّه علومه وبالورد ينهال
وهذا بلدنا فيه حقق مراده =للمجتمع يبني أماني وآمال
مشكور كل اللي بدا باجتهاده =لجنة بلدنا وكل من صال أو جال
وبحضور ابو فيصل تزيد السعاده =باسم الولي نفتح معك خير مدهال
[/poem]