[عيد المطرفي]

:
:
وإن طال الغياب وبعد العهد ..

[poem=font="traditional arabic,5,teal,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
خثرة لسانه لا حكى ؛ تشْبعك نوم=تنفض نعاس الصبح خثرة لسانه
ونص ابتسامه صبحها يرسم غيوم=في عين من فارق مكانه .. مكانه
صوته ذبحني يوم كلّمني اليوم=قبل ينام ويشتكي من زمانه
عجزت في شوفه انا احلّل الصوم=لا زلّ شعبانه ، وهل رمضانه
والكون كوم .. وجر تنهيدته كوم=لا جرّها .. جريت يا دان دانه
علوم لا من غاب .. وان جاني علوووووم= يجنن جناني واجنن جنااااااااانه
اجيه ضيف الوصل .. والهجر معزوم= واقفي ولا قضّيت منه اللبانه
حظي عرب تلعب به الفرس والروم=لا حركت بغداد وصله ..ايرانه
ملزوم في حبي وانا فيه ملزوم= يصبر على شاني ، وانا اصبر عشانه
وليا وصل حدّه من الشوق ، يا قوووووووم= متهاديتْه الفرْعنه والشطانه
موجة عتب .. وشراعها شرْهه ولوووم=في ليل عذرٍ قلت : الله وامانه
ياما يتنفس صبحه هموم وغموم=صبحٍ وليله ما نجح بامتحانه
وصبح الوعد لا غابت بفجره نجوم=بالعيد لا من زل شهر رمضانه
وقبل ثلاثينه .. على الصوت كل يوم=اشكي زماني لا شكا من زمانه
[/poem]