[شهيق ورده]

::






::



المشْهَد الطُفُولي إنْمِسَح من خيالاتي.. توقَّعْتَها نزْوَةْ ورْعْ بدويْ..شاف بنت عمِّه تميل لغُصُونْ الغريب!



_" وش عنْدِه ضارِي مطَيِّحْ عنْد أخوي صالِحْ؟ كل ما انْشِد صاِلحْ يقول : رايح مع ضارِي..متعشِّي عند ضارِي.. قانِصْ مع ضارِي!

وُحَيْشَهْ..ما تهَقيْنْ فالمسألة عِلْمٍ آخَرْ !!"

" لحُّولْ يا مِزْنَه! الواحِدْ ما يعرْف يقْرا لِهْ كلمتين تسرِّهْ دنيا وآخره إلا تنغِّصِين عليه بهرجٍ ماصِخْ!!

الحين وشْ فيها لو راح صالِحْ مع ضارِي؟ مُهُوبْ ولَدْ عمِّه وحِسْبَة اخوان حنَّا وايَّاهُم؟"

_"ضارِي وصاِلحْ ..إيه حِسْبَة اخوانْ..لكن حِنَّا ..امممم... أشكْ يا وُخَيْتِي

"ليه يخْتِسْ تِشِكِّينْ؟ تحسْبِينْ إن امِّه الغبْراء وضْحَى بتقبل وحْدِتِنْ مِنَّا لعينْ السيْح ضَارِي؟

هّذول فيهُمْ شُوفَةْ نفْس مَدْري شـ عَلِيْه؟

لا ومِنْ كِثِرْ ما يماشِي صلُّوْح ضاريُّوه الندامة ..بديتْ أحِسْ إن أخلاقه فسِدَتْ ! سمعتْ عمِّي يقول إن ضارِي يتْهَرَّبْ من دُوَامِه.. وأحيانْ يختفي أسبوع ..وما يدرون إلا هُو راجِعْ من البحريْن وإلا مَصِر اللهُّم يا دافْعَ البَلا بس !"

_"إيه بس أنا سمعتْ بعد وضْحَى تقول في عِرْس بن فرْحَانْ إنها تدوِّرْ عَرُوسْ لوَلَدْها وما تَبِيْ من القَرَابَة"

"إلا عاد كِلِّشْ مِتْشَفْقَات عليها وعلى وَلَدْهَا!!! رِدِيَّة الحظ إلي بتتوهَّقْ فيه وتاخذه..بلا قيْمَة الرجَّال لا خَلَعْ حِشْمَةْ وطَنْ ..وأحكام دِيْن.."