[حاتم منصور]

[poem=font=",6,firebrick,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
على ذكر الجروح الموجعات و ذكريات الـ آه=تذكّر كم بكا قلبي من اسرافك بتعذيبه
تذكّر يوم خانتنا المواني باللقا من تاه=و تذْكر كم تمنى قلبك ان الموج يسري به
حبيبي يوم فارقت المراسي ما بقا منجاه=من حبك سوى كره الوطن و الحلم بالغيبه
تمنيتك و انا مدري وش اللي ممكن اتمناه=في بعدك سوى موت انتظارك واحتضاري به
بعد ما مرت الفرقى سلام و طاب قلب ٍ داه=ذبوله بانتظارك جيت تسأل عن قسا طيبه
قسا طيبه قسا حتى تجمد في وريده ماه=قسا حتى غدت ذكراك في باله.. عذاريبه
قسا حتى تمنى لو يعود الوقت من منفاه=على لحظة فراقك واحتراقه خوف مع هيبه
يبي يرجع على لحظة قسا فرقاك يوم مناه=ترجّى من ضما ..وعد ٍ يبل الريق بالغيبه
يبي يقسا على قلبه قبل تنهار به دنياه=يبي يجسر على بعدك قبل لا يشعر بخيبه
يبي يقطع حبال الحلم دام الياس في يمناه=ولا يترك من وعودك رجا يحيي لواهيبه
تمنى ما تمنى من شقا قبل العتب يجفاه=قبل لا تذبل آماله قبل لا ينحر الطيبه
بعد ما مت في عينه ذرف دمعه و مد الآه=غسل حزنه , دفن حلمه , رمى آخر مطاليبه
ألا يالله لو باقي من افراح اللقا يالله=خفوق ٍ يرقص بشوفه .. فلا يفرح بترحيبه
و جيت الحين تسألني خفوقي بعدك اشــ قسّـاه=مصيبه كان ما تدري واذا تدري فهي مصيبه
[/poem]