[بتال المنصور]

- حيره -

ماتغيّرك الذنوب .. ولا وجعها
ماتغيّرك المقادير .. وتتوب !

آنطفيت ..
ولهفتي بك .. لهفتي
عادها تطمح ..
وتحلم بك .. قريب

أنت مدري .. آخرة طبعك معي ..
والعشم بك .. دايما ً .. يطلع كذوب !

[poem=font="mudir mt,5,sienna,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

من سماليل الفجر وعيون ليله = جاب لك بعض الطعون ورتبيها
عاشق ٍ هد التعب ليله وحيله = والحروف الذابله من يشتكيها ؟
كم حكيتك للنجوم المستحيله = والمحال أنتي وهذي صدقيها
ماتطولك بي أماني .. والحصيله = عاجز ٍ فكري عن أحلام ٍ يبيها
من كثير الحلم ولا من قليله = واقعك يدعس جروح .. ويعتليها
راح عمر ٍ للهوا .. يبكي قتيله = والقتيل آنا .. / وروحي ماعليها
تنبض بجرحك / .. ولو ماهي آصيله = ماحييت لموتتك .. لأجل أحتسيها !
ذي طباعك من عرفتك ياجميله = قسوتك تطغى وصمتي يحتويها
لين صارت قسوتك .. مثل الفضيله ! = والذنوب آزريت أرتّب ../ رتبيها !
[/poem]

- طلب -

كان باقي جرح .. يعني .. ماترتّب
من ضمن باق الجروح .. اللي لقيتي ..
لخبطي .. كل الفؤاد ..
اللي تعذّب ..
وأهجري قلبي وكنّك .. مالفيتي !!