[خالد العنزي]

""
""""""""

ياحرام , آعيش فرحتها , واراقبها تموت
...................... واتحمّل غصب , نظرات العتب , بعيونها

عينها تبكي وتسألني عن اسباب السكوت
...................... ليه ماارد الخطر عنها , واحارب دونها !!

مادرت ان , السبايا غير , ربات البيوت
...................... والعصا ماتشهد " لموسى " على فرعونها

غادرت تسحب خطاويها , لبيت العنكبوت
...................... عينها يمي , بعد , خابت ,, جميع ظنونها

مرّت " الملهى " مع الشارع وعيّت لاتفوت
...................... قالت ,, الملهى , يبي لـه , فن غير فنونها

فن يدني صاحب الملهى من اصحاب البشوت
...................... فن ,, ماهو ,, من طبايعها ,, ولا قانونها

والحقيقه لو لها معنى , ولو للصدق صوت
...................... كان ماخانتني ,, ظروفي ,, وانا مااخونها

البخيت اللي طرد رزقه , مع كبار البخوت
...................... عمر لايرجع , غلا " ليلى " على مجنونها

قبلها , ياكثر من صلّت ,, وتدعي بالقنوت
...................... مير , لو تُـعطى خمسميه , رمت كـ ........

العقيده , سوقها طايح , بسوق البنكنوت
...................... وعند ماتدعي لها الحاجه ,, سهل يشرونها

والبقا لله , لا ماتت , وكل حـيٍ يموت
...................... صعب اضحّي في علاقاتي , عشان عيونها



(زهرة)

احتـرامي للجميــــــع