[فاطمة ناصر]

[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

ما بقالي كلام .. و ما بقالي عتاب=ما بقا لك بقلبي غير كلمة .. ( أفا )
أمس فكري تشتت بين .. باب و جواب=يوم وجهي حزين .. و نور قلبي طفا
شق صدري غيابك .. يا كثير الغياب=و انت لا جيت صوبي .. جيت كلي حفا
كنت اظن الكرامه من كريم الجناب=مثل رد الوفا لا جا من .. اهل الوفا
و أثر مالك مقام .. و مالقلبك حساب=هبت الريح فيك .. و كل سافي سفا
جندوك ( الثعالب ) .. و أخضعوك ( الكلاب )=و أكثر الظن بان .. و كل شي ٍ خفا
و أنت راضي .. و فاتح للزمان الف باب=باب ( هذا يروح ) .. و باب ( هذا لفا )
لايقين لبعضكم .. يالقلوب الهباب=بين ( شذاب ساق ) .. و بين ( راعي قفا )
لا تظن السلامه و أبتعادي .. أكتئاب=دام عندي مبادي .. جعل عمري جفا
المشاعر .. تبٌدل مثل بعض الثياب=و الرفيق يتبٌدل دام ( راسه ) هفا
و الطريق ان مشيته .. باتجاه الذهاب=واضح الصدق فيه .. و مايهم أن نفا
يالله اني بوجهك من شديد العذاب=عن خطاهم ( عفينا ) يوم وجهك .. عفا
ليت لي فالمنابر .. دعوة ٍ تستجاب=و أسألك عن عناي .. و عن ( مرضهم ) شفا
و الهقاوي تشيب و توٌ عمري شباب=يا جروحي تهادي .. جرح واحد كفا
جعل عمري طويل .. و فوق نجم و شهاب=و الله يديم قلبي في .. امان و دفا
جف حبر المحبه .. فالورق و الكتاب=و أسود الليل .. حوٌل فالضلوع و ضفا
رمش عيني يموت .. و يعشق الانتصاب=فوق طرفي .. و حتى يوم طرفي غفا
مالقيت بعيوني .. غير دمع السحاب=ينتثر في ضلوعي فوق كلمة .. ( أفا )

[/poem]

أمطرت ف الشوارع .. ل \ الشاعر \ عبدالله الذويبان