[محمد الكحلاني]

| مدخل:

يا زمن عندي سؤال
قصته ماهي خيال
ممكن اسأل يا زماني ..؟
بـ/ اسألك .. جاوب .. عشاني
ممكن اسأل أو محال ؟
.
.

كم تقيّدنا سنيـن الـذل؟ ../ والحـال انصيـاع ؟
_____________ كم تعذّبنا مساوي الغي؟ .. و[ احساس القطيع ]؟!

كـم تنـازع نخـوة الشـارع إذا شـاف الجيـاع
_____________ بعد موت الألسنـه والحبـر مـن شـح الربيـع

بيعت أصـوات البطولـه والمشاعـر هـم تُبـاع
_____________ وصرنا معْ هالحال / [ أمّه ] .. ما لها إلا تبيـع !

حاصـروا حتـى الطفولـه واجهوهـا باقـتـلاع
_____________ بسمـة الأم الحنونـه وقـرّة العيـن الرضـيـع

تصبح الدنيا مصايب / والمصيبـه؟ مـا تُـذاع !
_____________ كن مـا ناقصنـا إلا .. نعـرف أحـوال المذيـع

ترتبك منـي مواقـف .. تلهـم الشاعـر قنـاع
_____________ يرتديه لأجل عِزّة / فـارس .. ومالـه صنيـع !

القهر .. جمّد حروفي والصدى ف/ القـاف مـاع
_____________ مثل مُهل(ن) لو يمـس أجسادنـا بلحظـة نميـع

يا بني قومي تغنّوا [ كلنـا فـي الارض راع ]..!
_____________ كلنا راعي غنا .. هيفـا / وباسكـال / ووديـع!

شف غثاء السيل كيفه ضاع مـع اهـل الضيـاع
_____________ ليـن ضيّـع كـل شـيٍ شامـخ ٍ يأبـى يضيـع

نحلم ان الحلم واقع / والسفينه ؟ .. بـلا شـراع
_____________ والبحر دمعـة بكانـا يـوم ندعـي يـا سميـع !

يا عليـم اب/ مُبتدأنـا والخَبـر وأهـل القطـاع
_____________ كيف هذا الشعب يصبـح مـن تراخينـا صريـع

ليت شعري ما جرى في هالزمن ؟

.. في هالبقاع ؟

من هو اللي عاث مفسد ؟

من هو البار المطيـع ؟

من سهر لأجل المعالي؟

من دفنّـا تحـت قـاع ؟!

من عطا للأرض بذره ؟

من سرق بذر الجميـع ؟!

مَنْ؟ ... ومَنْ مثل المحن اللـي ابتلتنـا بالخـداع
_____________ لين اكلنا .. من حصاد الجهل / أغصان الضريـع

يا [ ذئاب الغرب ] يا ساده .. على شر الرعـاع!
_____________ لو شبعتوا غـدر ../ مـا تشبـع أمانينـا تطيـع

انهشوا فِـ/ الـدرب كلّـه وابصقـوا دم الشجـاع
_____________ مـا تغذيكـم دمـا غـزة ولا تــراب البقـيـع

يا قنيـب الغـرب ماترهـب بصوتـك هالسبـاع
_____________ ولا تهز اركان قلـب(ن) دينـه الحصـن المنيـع

عش تمتع في حياتك والأجـل صـاع(ن) بصـاع
_____________ إما في بطـن البسيطـة وإلا فـي مـوتٍ شنيـع

| مخرج:
.
.
.
وشف عبر هذا الزمان
الوطن أصله الرجل
والرجل في إحتلال
حتى عن بوح اللسان
خلّني ساكت أجل !
بس أدور في التلال
يمكن ألقى لي حنان
أو أصير انسان ثاني ..!