وينك وينك؟
بيني وبينك
عيني تنشدني عن عينك
قليّ
يالليّ
قنطوف عنب
ومدليّ
وينك سؤال رددته مبطي
بيني وبيني
قلي وينك
أشتقت لهالطول الفارع
ياللي بعدك كل مـ أمشي يضيق الشارع
ياماضي العشق وضيّه وعيون أشواق المضارع
قلي وينك سنيني جتني مجتمعه
يوم الجمعه
جت تظاهر وين سنينك ؟
وأنت الظاهر
بيني وبينك
ماتدري عن هاللي بصدري
قلبن من غبت مشابطني
عطني
فرصه بس أجتمعوا
واللي كتمته سنين
الليله به أبجاهر
وينك وينك
ياناسي لهفة غالينك
ياتاركنا أنا وقلبي جالسين
كل مايسألني هو : س
وين أحبابك؟
بليــــّــاهم
وش جابك
ليّه ..وش جابك
وأنت غيابك
تركني أنا وأوراقي نتفاوض
بكم؟ سهر
أكتب عتابك
أبيـك بكلمـة راس بينـي وبينـك
....خل الزعل وأطنش جفاك وتغليـك
وينك ولو ماهو أنت ماقلت وينـك
....ليامتـى وأنـا أنتظـرك وأحاتيـك
يمرنـي هالليّـل.. وأنـا حزينـك
....وأشكي عليه اللي بقلبي ولاأبكيـك
مابي يطيح الدمع ..معـه سنينـك
....وتروح شايل جثة الحـب بيديـك
ياما نشدني صبح عـن ياسمينـك
....وياما نشب لي شوق يامرّطاريـك
وياما عسفت الشعر من شان عينك
....ويامانظمته مسبحه مـن غناويـك
وياما وياما ..بس مانشـت تينـك
....مابي أشوّه عند أحفادك حجاويـك
وياما ..ولياهالحينه أقـول وينـك
....قلبي يحبك.. مع تحيـات غاليـك