تصدق عاد..!
تغيب الدنيا بغيابك..
وأوعد حظي لو جابك ألون دنيتي وردي
واخلي موعدي بابك
تصدق عاد..!
أحس الكل يحسدني على الحب اللي مسعدني
وادعي ربي يا أغلى الناس عسى عنك ما يبعدني
تصدق عاد..!
من جودك صار للدنيا وجود
في الحياة اللي معاك والا لقاك
زايد فيك الغلا فوق الحدود
ما يساويك بغلا شخص سواك
اكتبه شعري عسى شعري يجود
بالحروف اللي حلاها من حلاك
كل حرف ما بلغ وصفك حسود
تصدق عاد..!
لعنبو قاف عجز يلحق مداك كل ما تذكرت عمري
ما ذكرت إلا وفاك...
ولو أدون ذكرياتي ما انطبع فيها سواك...
أنت أوفى من لقيته زدت عن هذا وذاك...
لا تقول إني نسيتك أو أفكر في جفاك...
لو تمنيت الأماني ما طلبت إلا
لقاك..
تصدق عاد..!
قلبي المجروح من بعدك عطيب...
ومن عقب فرقاك قلبي ما قوا..
الجروح اليوم ما ظني تطيب..
غير لا صرنا أنا وأنت سوا..
ما يطيب الجرح لو جبت الطبيب
صار شوفك هو حياتي والدواء
كل همي ما أبيك عني تغيب..
كن شوفك صار للخافق دواء..
تصدق عاد..!
من حزني ابكي وتبكي ريشة أقلامي..
مغير ريشة قلم عقبك تسليني..
مشتاق أشوفك وعيت تسمح أيامي..
حسبي على الوقت ظالمني ومشقيني..
امشي بصحراء غرامك حافية أقدامي..
رحلة عذاب وعطش وأحزان تكويني..
،،،
مما قرأت !