..
في دفتري , لحظة وقوف احتاجها
واحتاج تطري واكتبك
تعبت ألملم هزة الفرقا , هدير امواجها
في دفتري ,
بين السطور .. الكبرياء
واشياء تكسر خاطري
راحوا بها عشــّــاق هالوقت .. اصدقاء
مايعجبك؟!
عطني من اللحظات .. ضو سراجها
مليت اكابر واحتري
قانون لايحمي حقوق .. الابرياء
لحظة وقوف .. محتاج لك كثر الظروف .!!
~~ . ~~ . ~~ . ~~ . ~~ . ~~ . ~~ . ~~
تدري ؟!
لاطحت في قاضي خبل
حاول تسامح .. وانهبل!
لحظة وقوف .. لاتقطعون الري وتموت الحروف ..!!
~~~~~~~~ . ~~~~~~~~ . ~~~~~~~~
بمعاتبك لي ذات غيم
اسأل عن اللي ماخطر
ما رد هالدفتر .. كريم
ولا ردّت الغيمه مطر
جيّتك ضوحٍ من عتيم
أجلّ نقطه في سطر
~~~~~~~~~~~~ . ~~~~~~~~~~~~~
لحظة وقوف ..
للعلم , لآداب الحضور
للكلمه اللي شرّفت .. مضمونها
لأهداب .. ماتنظر بزيف عيونها
للحب , بأسوار القصور
لحظة وقوف ..
(درعٍ شمخ بالصدق ماهاب السيوف)
وسلامة قلوبكم